Анан ага Өз жаныбыздан боорукерлик жана пакизалык да (бердик). Ал такыбаа адам болду.

Намаз убактысы

Багымдат
06:20
Күн чыгышы
07:55
Бешим
13:15
Аср
16:54
Шам
18:38
Куптан
20:12

Талас облусунун казысы шаар тургундарына кулк-мүнөздүн маанилүүлүгү туурасында сабак өтүүдө

Muftiyat.kg/ 9-январь/ Талас облусунун мусулмандар казысы Таалайбек ажы Бапиев Талас шаарындагы борбордук «Аль-Ааль Байт» мечитинде шаар тургундары менен жолугушуп, "Ыйман жана кулк-мүнөз" темаларында сабак өттү. Муну менен катар облус казысы кулк-мүнөздүн маанилүүлүгүн кенен түшүндүрүп, шаар тургундарынын суроолоруна жооп берди.  

«Жакшы кулк-мүнөз шариятта адал болгон нерселерди аткарууга ар дайым даяр турган жана адамдардын көңүлүнө зыян берүүдөн толук баш тарткан момун адамдын жүзү нурлантып, жаркыратып турат. Пайгамбарыбыз  (Ага Алланын салам-салаваты болсун) айткан: «Мусулман адамдын өзүнө керексиз нерселерди таштоосу, Исламдын жакшы кулк-мүнөзүнөн». Ошондой эле Алла Таала Пайгамбарыбыздын  (Ага Алланын салам-салаваты болсун) кулк мүнөзү жөнүндө Куранда көптөгөн аяттарда мындай деген: "Биз сени бүткүл ааламга мээрим кылуу үчүн жөнөттүк". (Анбия, 107-аят),  «Чындыгында силер үчүн да, Алланы, акырет күнүн үмүт кылгандар жана Алланы көп эске алган адамдар үчүн да, Алланын элчисинде көркөм өрнөктөр бар». (Ахзаб 21). Башка бир аятта Алла Таала айтат; «...ачуусун сабыр менен баскандар, адамдарга кечиримдүү болгондор, ошолор Алла сүйгөндөр !» (Ал имран 134), "Сен - улуу кулк-мүнөз ээсисиң". (Калам, 4-аяттар)»,-дейт өз баяндамасында облус казысы.

Ал эми шаар тургундары мындай ыймандуулукка, адеп-ахлакка үндөгөн сабактар көп болуп туруусун облус казысынан суранышты.